قصيدة مشاعر يتيم للشاعر السيد محمد محمود محمد

"""""""" في يوم اليتيم """"""

  👫👫👬👭👫👬👭

""""""""  مشاعر يتيم """"""""

و انا ماشي لقيت لمة لقيت
زحمة في ملجأ و دار أيتام

سألت ايه السبب  قالوا دا
يوم اليتيم  و  عيد  للأيتام

انا بسأل و بتعجب يوم
لليتيم  في السنة طيب
و بقية الأيام

طول السنة صايم ما اليتم
برضو صيام لا ام بتطبطب
و لا  اب في حضنه ينام

اختاروا طفل يتيم يقول
كلمة وقف و الدمع مالي
عنيه يبص عل الحاضرين

 واقف قليل الحيله لسانه
ينقط آسى  و الجرح جووا
القلب بينزف بقاله سنيين

 فرخ بجناح مكسور سمااا
بسم الله  فرحان بجيتكم و
بشكر الحاضرين
   
فضل يحكي بعلو الصوت
عن  مشاعر  طول  عمره
ناسيها

انا اللي انحرمت من أمي
و كان نفسي بكلمة أمي
اناديها

من كلمة أمي و أبويا انا
المحروم و بكلمة أمي و
أبويا انا المحموم انا بهذي

برددها و انا نايم و انا
صاحي و عمر ما حد
يسمعها عشااان
بيني و بين نفسي

أنا اللي انحرمت من
أمي و من ابويا و كان
نفسي يكونوا جنبي

انا اللي انحرمت من
ابويا و مسكة أيده و
انا بمشي

انا بحلم و بتخيل و صوت
أمي انا سامعه ساكن
صوتها في وداني
 
كأني أمي سهرانة بتحكيلي
و احكيلها كأني شايفها و
شيفاني

و لما  يقع  مني  الغطا و
ينكشف ضهري لبرد الشتا
من عز نومها تصحالي

تغطيني تطبطب بكف ايديها
عل كتفي و تحضني و تقولي
يا كل عزوتي و ناسي

تصلي الفجر تدعيلي تصحيني
تفطرني تودعني و تفضل عينها
ترقبني ما سيباني

 ف عيد الأم يا أمي بحط
القرش عل القرشين و
أجيب الهدية و ف الآخر
بتبقالي

أدور عليكي أصرخ و أنادي
و تفضل عينيا تنزف دموع
و انتي برضو ما سمعاني

أحط الهدية جنب الهدية
آه يا دنيا  معنداني قلبك
حجر صوان ما رحماني

نفسي ألقى أم  فيكم
نفسي ألقى اب فيكم
ابن ليكم اقبلوني

حسسوني بالحنان يوم
نتيجتي تكونوا جنبي
اوعدوني

قبل ما تسيبوا المكان
اوعدوني  تيجوا  تاني
و تزروني

بقلمي /  السيد محمود
الشهير باسم / السيد محمد محمود محمد
شاعر الفصحى و العامية
الجمعة
6 / 4 / 2018