قصيدة تحت الجرة للشاعرة عبير الجندي

تـحــــــــت الـجـــــــره
...........................
تحت ( الجره ) البنت  بتحلم
بالمطلوب من ابوها الحاير
ماشيه  لروحها  الدايبه  تكلم
يرسم  دمع  عيونها دواير
فجأه ( الجره ) تكون فتافيت
والعصفوره تموت ع النخله
توصل تاني لحد  البيت
تحلم لحظه بليلة الدخله
يصبح  نهر دموعها  محيط
تفضي في نص دقيقه ( المخله )
الأشجان ع الروح بتعلم
وغراب نايم وغراب طاير
.. ✍.... عبيــــــــــــــر الجنـــــــــدي ....