قصيدة ماذا اكتب للشاعر عاطف ابو الفتوح محمد

    ماذا اكتب؟
كتبت عن الحب وغرامه
والشوق وهيامه
وعن العين وسهامها
وعن القلوب وفرحتها
ممكن أكون شاعر .....؟؟
عشت الفكرة
والإلهام
وكتبت عن العذاب والحرمان
وكأن جوايا بركان
عايز ينفجر من زمان
هو أنا شاعر ............ ممكن ؟؟
كتبت أول قصيدتى
ومش مصدق من فرحتى
وفى أول ندوة قولتها
فرقعت وسمعت
وفى مجالس الشعراء والأمسيات ولعت
وسمعت كلام كتير يتقـال فيه مواويل
وكتبت بمشاعر مفتوحة
حتى لو كانت مجروحه
فرغت فيها كل أحزانى
وكتبت قصايد فيها كل أحلامى
وعرفت أن الشاعر بالمشاعر الصادقة
اللى بتدق قلوب العاشقين
وتحرّم النووم على المجروحين
وعرفت أنى شاعر له مشاعر
ماشى فى طريق طويــــــــــــــــــــل
ماينتهيش إلا بكلمتين وهى "
لا شاعر إلا ّبالمشاعر ...❤❤❤