قصيدة للشاعر احمد الناصري

عشت ف الدنيا بوهالي
ندور بين دواور وسوق....
الناس ما عذروا حالى
قالو واش هذا معقوق...
نمشي برجلي ونخسر مالي
بغيت نعرف السر لي ف الصندوق....
انا الدنيا منها مسالي
وما من همها انا مخنوق...
نبحث على من شانو عالي
مول لكلام المصدوق....
انا طالب التسليم منكم يا رجالي
يا لي قلبي ليكم معشوق...
بالحب نشارككم مقالي
ومانعرف السابق من المسبوق...
توسدت العتبة لشحال من والي
ما جاوب ..ما مد لي حقوق....
انا راحل بعلامي نشالي
والدنيا فانية وبموتي ملحوق....

.........احمد الناصري.......